Дарагія пілігрымы!
Запрашаем вас разам са святарамі і кансэкраванымі асобамі Віцебскай дыяцэзіі на ўрачыстасці ў Росіцу. У лютаўскія дні традыцыйна ўспамінаем мучаніцкую смерць благаслаўлёных Юрыя і Антонія. Таксама молімся за ахвяр росіцкай трагедыі. Разам пройдзем апошнім шляхам марыянскіх святароў і вернікаў Росіцкага храма ў пакутнай працэсіі на пляц мучаніцтва.
ПЛАН УРАЧЫСТАСЦЯЎ:
11.00 – адарацыя Найсвяцейшага Сакраманту (магчымасць споведзі)
12.00 – Святая Імша (узначальвае ксёндз біскуп Алег Буткевіч)
13.00 – працэсія на пляц мучаніцтва благаслаўлёных Юрыя і Антонія
14.00 – гарачы пасілак
Благаслаўлёныя пакутнікі з Росіцы, Юры і Антоні, маліцеся за нас!



